ထုတ်ပြန်ကြေညာချက်များ ထုတ်ပြန်ချက် သတင်းထုတ်ပြန်ချက်

မြန်မာနိုင်ငံ၌ အဆိုးဝါးဆုံး မြေငလျင်ဒဏ် ခံရချိန်တွင် အင်တာနက် ပိတ်ဆို့ ကန့်သတ်ထားခြင်းများကို ပယ်ဖျက်ရန် စုပေါင်း ကြေညာချက်ထုတ်ပြန်

ByWebmaster

Apr 1, 2025 #ဒီဂျစ်တယ်အခွင့်အရေး, #သတင်းအချက်အလက်ရရှိပိုင်ခွင့်, #အင်တာနက်ရရှိမှု

မြန်မာနိုင်ငံ၌ အဆိုးဝါးဆုံး မြေငလျင်ဒဏ် ခံရချိန်တွင် အင်တာနက် ပိတ်ဆို့ ကန့်သတ်ထားခြင်းများကို ပယ်ဖျက်ရန် စုပေါင်း ကြေညာချက်ထုတ်ပြန်

မတ်လ ၂၈ ရက်နေ့က နိုင်ငံအလယ်ပိုင်းကို ဗဟိုပြုကာ နိုင်ငံ့သမိုင်းတွင် အပြင်းထန်ဆုံးဟုပြောနိုင်သော ရစ်ချ်တာ စကေး ရ ဒသမ ၇ အဆင့်ရှိ ငလျင်လှုပ်ခတ်ခဲ့ပြီး နောက်ဆက်တွဲ ငလျင်များလည်း လှုပ်ခတ်ခဲ့သည်။ စစ်ကိုင်းမြို့ အနီးအခြေပြု လှုပ်ခတ်ခဲ့သော အဆိုပါ မြေငလျင်ဒဏ်ကို စစ်ကိုင်း၊ မန္တလေးနှင့် နေပြည်တော်မြို့များတွင် အဆိုးဝါးဆုံးခံစားရပြီး၊ မြို့နယ်ပေါင်း (၆၇) မြို့နယ်ခန့်က ငလျင်ဒဏ် ခံစားခဲ့ရသည်။ သေဆုံးသူ ဦးရေမှာ လက်ရှိ မတ်လ ၃၀ အထိ ၂၀၀၀ ကျော် အထိ ရှိလာပြီး၊ ဆက်လက်မြင့်တက်လျက်ရှိသည်။ လက်ရှိအချိန်၌ အပျက်အစီးများအကြား ပိတ်မိနေသော အသက်ရှင်ကျန်ရစ်သူများကို ကယ်ဆယ်နိုင်ရေးနှင့် ငလျင်ဒဏ်ခံစားရသည့် နေရာများရှိ အများပြည်သူအတွက် အရေးပေါ်ကယ်ဆယ်ရေးအကူအညီများ အမြန်ဆုံးလိုအပ်လျက်ရှိသည်။

သို့ရာတွင် ယခုကြေညာချက် ထုတ်ပြန်သည့် အချိန်ထက် (ငလျင်လှုတ်ခပ်ပြီး ၄၈ နာရီကျော်သည်အထိ) အရေးပေါ်အကူအညီများ အရေးတကြီးလိုအပ်ချိန်တွင် အခြေခံကျသောလိုအပ်ချက်ဖြစ်သည့် အင်တာနက် ဝန်ဆောင်မှုများ ပိတ်ဆို့ခြင်းနှင့် ကန့်သတ်ခြင်းများကို စစ်ကောင်စီက ဆက်လက်လုပ်ဆောင်လျက်ရှိသည်။ အများပြည်သူ၏ အသက်အန္တရာယ်ကို လျစ်လျူရှု့ကာ စစ်ကောင်စီက ဆက်သွယ်ရေးဖြတ်တောက်မှုအား ဆက်လက်လုပ်ဆောင်နေခြင်းအပေါ် ကျွန်ုပ်တို့က အပြင်းထန်ဆုံး ရှုတ်ချပြီး အင်တာနက်နှင့် ဆက်သွယ်ရေးလိုင်းများနှင့် အများပြည်သူ သတင်းအချက်အလက် ရပိုင်ခွင့်ကို ကန်သတ်ထားသည့် မည့်သည့်ကန့်သတ်မှုကိုမဆို ချက်ခြင်းလက်ငင်း ရုပ်သိမ်းဖယ်ရှားရန်နှင့် အင်တာနက်နှင့် ဆက်သွယ်ရေးဝန်ဆောင်မှုများ ပြည့်ပြည့်၀၀ ရရှိရေး ချက်ခြင်းခြွင်းချက်မရှိ လုပ်ဆောင်ရန် တောင်းဆိုလိုက်သည်။ အင်တာနက် ပိတ်ဆို့ကန့်သတ်မှုများကြောင့် အများပြည်သူ အသက်ဆုံးရှုံးမှုများနှင့် နစ်နစ်မှုများ အားလုံးအတွက် စစ်ကောင်စီမှ တာဝန်ခံရန် ကျွန်ုပ်တို့က ဤကြေညာချက်ဖြင့် တောင်းဆိုသည်။

အပြည့်စုံဖတ်ရန် >> PDF